Aşgabatdaky Mehanika-tehnologiki orta hünär okuw mekdebi dalaşgärleri okuwa çagyrýar

  • 17.07.2024 17:33
  • 11k+

Türkmenistanyň Dokma senagaty ministrliginiň Aşgabat şäherindäki Mehanika-tehnologiki orta hünär okuw mekdebi 2024/2025-nji okuw ýyly üçin aşakdaky hünärler boýunça talyplyga kabul edýär:

  1. Tikin önümçiliginiň tehnologiýasy.
  2. Dokma önümçiligi.
  3. Süýümleri egirmegiň tehnologiýasy.
  4. Buhgalterçilik hasaba alnyşy.
  5. Marketing.
  6. Ykdysadyýet we meýilnamalaşdyryş.
  7. Maglumatlary işläp taýýarlamagyň we dolandyrmagyň awtomatlaşdyrylan ulgamlary.
  8. Dokma materiallaryň himiki tehnologiýasy we abzallary.
  9. Standartlaşdyrmak we sertifikatlaşdyrmak.
  10. Dokma we ýeňil senagatyň abzallaryna tehniki taýdan hyzmat etmek we bejermek.
  11. Dizaýn (dokma senagaty pudagynda).

Аşgabat şäherindäki mehanika-tehnologiki orta hünär okuw mekdebine Türkmenistanyň umumy orta bilimden pes bolmadyk binýatda bilimi bolan, ýaşy 35-den geçmedik raýatlary giriş synaglarynyň netijeleri boýunça bäsleşik esasynda kabul edilýär. 
Okuwyň möhleti 2 ýyl.
Аşgabat şäherindäki mehanika-tehnologiki orta hünär okuw mekdebinde okuwlar tölegli esasda alnyp barylýar.
Resmi iş kagyzlary Aşgabat şäherinde 2024-nji ýylyň 15-nji iýuly — 19-njy awgusty aralygynda kabul edilýär. 
Resmi iş kagyzlarynyň sanawy: 

  • — bellenilen nusgada direktoryň adyna ýazylan arza;  
  • — bellenilen nusgadaky sowalnama (anketa); 
  • — bilimi baradaky resminama (asyl nusgasy); 
  • — Türkmenistanyň Saglygy goraýyş we derman senagaty ministrligi tarapyndan bellenilen nusgadaky saglyk kepilnamasy; 
  • — soňky okan ýerinden (işlän ýerinden, harby bölümden) häsiýetnama; 
  • — bellenilen nusga boýunça okuw üçin tölegi öz wagtynda amal etmegiň kepil
  •      haty; 
  • — 3x4 sm ölçegdäki sekiz sany fotosurat; 
  • — işleýänler üçin zähmet depderçesiniň tassyklanan göçürmesi; 
  • —okuw dersleri boýunça mekdep okuwçylarynyň döwlet bäsleşiginiň ýeňijileri, halkara bäsleşiklerine gatnaşan Türkmenistanyň ýygyndy toparynyň agzalary şol ýagdaýlary tassyklaýan degişli resminamanyň asyl nusgasyny tabşyrýarlar. 

Bulardan başga-da, okuwa girmäge isleg bildirýänler ýokarda görkezilen resminamalar bilen birlikde, resminamalary kabul edýän iş toparyna aşakdakylary görkezýärler we nusgalaryny tabşyrýarlar:

  • — pasportyny;  
  • — harby şahadatnamasyny ýa-da ýazylyş şahadatnamasyny we ýaşaýan ýeri boýunça harby wekillikden güwähatyny. 

Dalaşgär bäsleşiksiz we (ýa-da) okuwa kabul edilmek üçin artykmaç hukukdan peýdalanýandygyny tassyklaýan beýleki resminamalary görkezip biler.
Nädogry berlen maglumatlar we galp resmi iş kagyzlary üçin dalaşgär şahsy jogapkärçilik çekýär. 
Giriş synaglary we okuwa kabul edilmek Türkmenistanyň Dokma senagaty ministrliginiň Aşgabat şäherindäki mehanika-tehnologiki orta hünär okuw mekdebinde (Aşgabat şäheri) 2024-nji ýylyň awgust aýynyň  22-23-i, 25-i we 26-sy günlerinde geçirilýär. 
Giriş synaglary ähli hünärler boýunça matematika, himiýa, Türkmenistanyň taryhy derslerinden geçirilýär. 
Okuw dersleri boýunça giriş synaglary Türkmenistanyň orta mekdepleriniň okuw maksatnamalarynyň esasynda geçirilýär. 
Okuw dersleri boýunça giriş synaglary döwlet dilinde dilden geçirilýär. 
Giriş synaglarynyň tertibinde bellenen wagtda synaga esassyz sebäplere görä gelip bilmedikler ýa-da dersleriň biri boýunça synagdan geçip bilmedikler soňky synaglara goýberilmeýär. 
Giriş synaglaryndan üstünlikli geçen ýagdaýynda, bäsleşiksiz we talyplyga kabul edilmek üçin artykmaç hukukdan «Bilim hakynda» Türkmenistanyň Kanunynyň rejelenen görnüşinde kesgitlenen düzgünlere laýyk gelýänler peýdalanýarlar. 
Türkmenistanyň Dokma senagaty ministrliginiň Aşgabat şäherindäki mehanika-tehnologiki orta hünär okuw mekdebiniň salgysy:
Aşgabat şäheri, 2052 (Hydyr Derýaýew) köçe, 4,
tel.: 36-49-20, 36-04-16, 36-18-74, 36-21-67.


25.08.2025 07:38
4.5k+

Magtymguly adyndaky Türkmen döwlet uniwersitetinde bilim işgärleriniň maslahaty geçirildi

23-nji awgustda Magtymguly adyndaky Türkmen döwlet uniwersitetiniň mejlisler jaýynda ýurdumyzyň bilim işgärleriniň maslahaty geçirildi. Maslahat 2024-2025-nji okuw ýylynyň jemlerini jemlemäge hem-de täze, 2025-2026-njy okuw ýylynda öňde durýan wezipeleri ara alyp maslahatlaşmaga bagyşlandy...

22.08.2025 15:55
1.9k+

Ýaponiýanyň ilçihanasy ýapon dil bilimini bahalandyrýan synag üçin arzalary kabul edip başlady

Japanese-Language Proficiency Test (JLPT) synagyna arzalar kabul edilýär. Bu barada Ýaponiýanyň Türkmenistandaky ilçihanasy habar berdi. Hasaba alnyş 25-nji awgustan 1-nji sentýabra çenli dowam eder. Bellenilişi ýaly, synag şu ýyl ikinji gezek geçirilýär...

22.08.2025 07:45
7k+

Türkmen okuwçylary mental arifmetika boýunça dünýä rekordyny goýdular

21-nji awgustda Aşgabatda geçirilýän «Kids Expo: hemme zat çagalar üçin» atly halkara köpugurly sergi-ýarmarkasynyň çäklerinde mekdep okuwçylarynyň arasynda Mental arifmetika boýunça bäsleşikler guraldy. Türkmenistanyň...

16.08.2025 18:56
5.4k+

Türkmen talyplary Malaýziýada “Future is Now” tomusky okuw maksatnamasyna gatnaşdylar

Halkara ynsanperwer ylymlary we ösüş uniwersitetinden bir mugallym we bäş talyp 3–9-njy awgust aralygynda Malaýziýanyň öňdebaryjy ýokary okuw mekdepleriniň biri bolan Malaýa uniwersitetinde «Future is Now» atly tomusky okuw maksatnamasyna gatnaşdylar...