Netflix 29-njy awgustda premýerasy boljak “Terminator” anime-serialynyň tizer-treýlerini hödürledi.
Serial Arnold Şwarseneggeriň baş keşbi ýerine ýetirmeginde düşürilen filmlere esaslanýar. Sýužet alym-programmist we üç çaganyň kakasy Malkolm Lini Terminatordan goramak üçin gelejekden gelen gahryman barada gürrüň berýär. Malkolm Li Skaýnete bäsdeş bolup biljek emeli aňy işläp düzýär.
Malkolm Liniň roluna Andre Holland ses berdi. Şeýle-de, ses bermäge Rosario Douson, Enn Daud, Sonoýa Midzuno we Timoti Olifant gatnaşdy.
Taslamanyň şouranneri Mett Riwziň “Betmen” filminiň ikinji bölüminiň ssenariýaçysy Mattson Tomlin, režissýor – Masasi Kudo boldy.
Sekiz bölümden ybarat serial Ýaponiýanyň Production IG studiýasy tarapyndan döredildi. Bu “Terminator” franşizasynda ilkinji animasion taslamadyr.
