31-nji martda tamamlanan maliýe ýylynda Hindistanda Apple-iň satuwy 33% artyp, 8 milliard dollar möçberinde rekord derejä ýetdi. Bloomberg agentliginiň habar bermegine görä, söwdanyň ýarysyndan gowragy iPhone-laryň paýyna düşdi.
Aprel aýynda Bloomberg geçen maliýe ýylynda Apple-iň Hindistanda 14 milliard dollarlyk iPhone ýygnandygyny we enjamlarynyň 14%-ini hut Hindistanda taýýarlaýandygyny habar beripdi.
Hindistanda öndürilýän iPhone-laryň aglaba bölegi Tamilnad ştatynyň paýtagty Çennaýdan 40 km günbatarda ýerleşýän Şriperumbuduredäki zawodda öndürilýär.
