Maltaly syýasatçy Roberta Metsola Ýewropa parlamentiniň (ÝP) başlygy wezipesine ikinji möhlete saýlandy. Onuň dalaşgärligine 562 ýewrodeputat ses berdi.
Onuň garşydaşy ispaniýaly deputat, “Podemos” partiýasynyň agzasy Irene Monter boldy diýip, TASS habar berýär.
Metsola hünäri boýunça aklawçy, Ýewropa syýasaty ugrunda uly tejribesi bar. Ol ÝB-niň Brýusseldäki ştab-kwartirasynyň ýanyndaky Maltanyň wekilhanasynda işledi we Ýewroparlamente üç gezek dalaş edip, 2013-nji ýylda üstünlik gazandy. 2020-nji ýylda ÝP-niň birinji wise-başlygy boldy, 2022-nji ýylda, 42 ýaşynda parlamentiň başlygy wezipesine bellenip, onuň taryhynda iň ýaş başlyk boldy.
