Toyota kompaniýasynyň täze dört silindrlik benzin hereketlendirijisiniň işleýşini görkezýän wideo peýda boldy. Kompaniýanyň nygtamagyna görä, bu hereketlendiriji bu ugurda “oýnuň düzgünlerini düýpgöter täzelär”.
Täze hereketlendiriji 1.5 litr we 2.0 litr görnüşlerinde elýeterlidir.
Wideo Ýaponiýanyň Fuji Speedway ýaryş ýolunda düşürildi. Wideoda ulagy kompaniýada hereketlendirijileriň işlenip düzülmegine ýolbaşçylyk edýän Takaşi Uehara dolandyrýar. Ol awtoulagyň dinamikasyny we hereketlendirijiniň sesini blogere görkezýär. Wideodaky ulagyň markasy gizlin saklanýar, ýöne Motor1 neşiri onuň Lexus IS bolandygyny çaklaýar.
Täze 1.5 litrlik hereketlendiriji, bar bolan 3 silindrlik hereketlendiriji bilen deňeşdirilende göwrümi, beýikligi we agramy boýunça 10% kiçi bolar. 1.5 litrlik hereketlendirijiniň turbo görnüşi häzirki 2,5 litrlik atmosfera hereketlendirijisinden göwrümi boýunça 20% kiçi bolar. Onuň beýikligi 15% gysgaldylyp, işjeňligi 30% ýokarlandyrylar.
