Universal Pictures we Illumination “Minýonlaryň” (Миньоны) üçünji bölüminiň çykmagyny anons etdiler. Premýera 2027-nji ýylyň 30-njy iýunyna meýilleşdirilýär diýip, Variety habar berýär.
“Minýonlar-3-i” döretmek baradaky çözgüt “Ýigrenji men-4-üň” (Гадкий я-4) girdeji üstünliginden soň kabul edildi. Bu multfilm dünýä prokatynda eýýäm 230 mln dollardan gowrak girdeji gazandy.
Geljekki filmiň režissýory “Ýigrenji meniň” ilkinji üç bölümi we birinji “Minýonlar” bilen belli bolan Pýer Koffen bolar. Ssenariýany asyl multfilmleriň we “Öý haýwanlarynyň gizlin durmuşynyň” üstünde işlän Braýan Linç ýazar. Prodýuserler hökmünde Illumination-yň esaslandyryjysy we baş müdiri Kris Meledanri we Bill Raýan çykyş eder.
2010-njy ýylda çykandan bäri “Ýigrenji men” we “Minýonlar” taslamalary jemi 5 mlrd dollar töweregi girdeji ýygnap, taryhda iň uly animasion franşiza öwrüldi. 2022-nji ýylda “Minýonlar: Grýuwitasiýa” premýera uik-endinde dünýä prokatynda birinji orny eýeledi we 4-nji iýul baýramçylyk gününde ABŞ-da 125 mln dollar ýygnap, rekord goýdy.
