Toyota şu ýylyň ahyryna çenli Land Cruiser 300 üçin täzelenme taýýarlar. BestCarWeb-iň berýän maglumatyna görä, awtoulagyň daş keşbi üýtgewsiz galyp, täzelenme esasan multimediýa we howpsuzlyk ulgamlaryna täsir eder.
Täzelenen Land Cruiser 300-de optiki priwod bolmaz. CD ýa-da DVD-niň ýerine HDMI interfeýsi bolar. Ýöne microSD ýat kartasynyň ýeri galar.
Awtoulagyň Toyota Safety Sense (TSS) ulgamy 3.0 wersiýasyna çenli täzelenme alar. Bu ulgam sürüjä kömek funksiýalaryny hem öz içine alýar. Şeýle hem Land Cruiser 300 täze kiberhowpsuzlyk talaplaryny kanagatlandyrmak üçin täzelenmeler alar.
Täzelenmäniň ulagyň bahasyny birneme galdyrmagyna garaşylýar. Täzelenen Land Cruiser 300-üň resmi tanyşdyrylyşy noýabr aýynyň başyna meýilleşdirildi.
