Kinematografiýada iň gowy filmleriň reýtingine goşulan Serjo Leoneniň “Bir gysym dollar” (“За пригоршню долларов”) westerniniň remeýkiniň üstünde işlener diýip, Deadline habar berýär.
Film Golliwudyň weteranlary Janni Nunnari (“300 spartaly”, “300 спартанцев”), Saýmon Horsman (“Hakyky jenaýat”, “Настоящее преступление”) we italýan prodýuseri Enso Sisti (“Ripli”) tarapyndan döredilen Euro Gang Entertainment kompaniýasy we filmiň asyl nusgasyny çykaran Jolly Film rim kompaniýasy tarapyndan surata düşüriler.
1964-nji ýylda düşürilen filmde Klint Istwud oýnady. Bu film spagetti-western žanrynyň başlangyjy boldy, şeýle hem meşhur “Birnäçe dollar köp” (“На несколько долларов больше”) we “Gowy, erbet, gaharjaň” (“Хороший, плохой, злой”) filmlerini öz içine alýan Leone trilogiýasynyň düýbüni tutdy.
Filmiň ssenaristi, režissýory we aktýorlary entek belli däl, ýöne taslamanyň iňlis dilinde boljakdygy habar berilýär.
“Bir gysym dollar” filminiň özi hem remeýkdir. Ol Akira Kurosawanyň “Goragçy” (“Телохранитель”) filminiň beýanydyr.
