Hytaýda FAW Toyota bilelikdäki kärhanasy täzelenen Toyota Avalon biznes sedanyny hödürledi. Awtoulag garaşylandanam has köp üýtgeşmelere eýe bolupdyr diýip, ITHome habar berýär.
Esasy täzelenmeler:
- Qualcomm Snapdragon 8155 bir çip ulgamyna esaslanýan multimediýa ulgamy.
- Täze rul we proýeksiýa ekrany.
- Sürüjä kömek ulgamlarynyň toplumy indi esasy konfigurasiýa hem girizilipdir.
- Dokuzynjy nesil Camry-niň täze hereketlendirijileri.
Hereketlendirijiler:
- Esasy wersiýasy: 173 at güýji bolan 2,0 litrlik benzinli hereketlendiriji.
- Orta aralyk konfigurasiýasy: 152 at güýjüni öndürýän 2,0 litrlik içinden otlanýan hereketlendirijili gibrid elektrik güýç gurluşy we 113 at güýji bolan elektrik hereketlendirijisi. Ýangyjyň ortaça sarp edilişi 4,31 l / 100 km, ýöreýiş ätiýaçlygy - 1000 km.
- Ýokarky wersiýasy: 185 at güýjüni öndürýän 2,5 litrlik hereketlendirijili gibrid güýç gurluşy we 136 at güýji bolan elektrik hereketlendirijisi.
Ölçegleri:
- Uzynlygy: 4990 mm
- Ini: 1850 mm
- Beýikligi: 1450 mm
- Teker bazasy: 2870 mm
Täzelenen Avalon-yň bahasy konfigurasiýa we hereketlendirijä baglylykda 24,5 müň dollardan 35,5 müň dollara çenli üýtgeýär.
