12-nji iýulda Prezident Serdar Berdimuhamedow 2024-nji ýylda Türkmenistanyň ýokary we orta hünär okuw mekdeplerine welaýatlar, Aşgabat we Arkadag şäherleri boýunça okuwa kabul etmegiň meýilnamasyny tassyklady.
Resminama laýyklykda, 2024-nji ýylda Türkmenistanyň ýokary we orta hünär okuw mekdeplerine okuwa kabul etmeklik 15-nji iýul — 26-njy awgust aralygynda guralar.
Okuwa kabul etmek boýunça giriş synaglary ýokary we orta hünär okuw mekdepleriniň ýerleşýän ýerinde geçiriler.
Türkmenistanda ýokary we orta hünär mekdeplerine okuwa tabşyrmak üçin gerekli resminamalaryň doly sanawyny şu salgydan ýükläp alyp bilersiňiz.
