NASA Ýer bilen Aýyň arasyndaky syýahatlarda ilkinji ulag geçelgesi bolup hyzmat etjek ilkinji Gateway Aý stansiýasynyň nähili boljakdygyny görkezdi diýip, Hi-Tech habar berýär.
Ýewropa kosmos gullugy, şeýle-de Kanada, Ýaponiýa we BAE bilen hyzmatdaşlykda işlenip düzülen stansiýa birnäçe moduldan ybarat bolar.
Ýaşaýyş bölümi we logistika merkezi bolup hyzmat etjek HALO moduly stansiýanyň esasy elementi bolar. Şeýle hem, HALO awtonom enjamlar bilen enjamlaşdyrylar hem-de buýruk beriş we aragatnaşyk merkezi bolup hyzmat eder.
2028-nji ýylda HALO-a I-Hab moduly goşular, bu dört kosmonawt üçin niýetlenen aşhana, ýatylýan otag we kiçi sport zaly ýaly, goşmaça ýaşaýyş jaýyny öz içine alar.
Şeýle hem, stansiýa robotlaşdyrylan Canadarm3 manipulýatory, PPE gün panelleri hem-de enjam we ýangyç saklamak üçin ulanyljak Lunar View moduly bilen üpjün ediler. Lunar View-i 2030-njy ýylda gurmak meýilleşdirilýär.
Gateway stansiýasyna ilkinji astronawtlar 2028-nji ýylda baryp görerler.
