Paramount Pictures "Gladiator 2" filminiň ilkinji treýlerini çykardy. Film Ridli Skottyň 2000-nji ýylda çykan meşhur taryhy blokbasteriniň dowamydyr.
15-nji noýabrda çykmagy meýilleşdirilýän filmde wakalar birinji filmde bolup geçen wakalardan 25 ýyl soň ýaýbaňlanýar.
Sýužetiň merkezinde Lýusillanyň (Konni Nilsen) ogly we imperator Kommodanyň (Hoakin Feniks) ýegeni Lusiý durýar. Rim goşunlarynyň Lusiýniň ýaşaýan ýeri bolan Numidiýa çozmagy netijesinde ol ýesir düşýär we Rime äkidilýär. Ol ýerde gladiator bolmaly bolýar.
Filmde Pol Meskal, Pedro Paskal, Denzel Waşington we Jozef Kuinn surata düşdi. Konni Nilsen we Derek Jeýkobi öz rollaryna dolandy. "Gladiator 2" dartgynly söweş wakalaryny, syýasy dil-düwşükleri wada edýär.
