Massaçusetsiň Tehnologiýa Institutynyň (MIT) inženerleri azyk önümleri bilen işlemek üçin döredilen RoboGrocery robot ulgamyny hödürlediler diýip, TechCrunch ýazýar.
Robot kompýuter görüşi we önümlere zyýan ýetirmän saýlap, gaplamaga mümkinçilik berýän “ýumşak” tutawaç bilen enjamlaşdyrylandyr.
RoboGrocery ulgamy önümleriň görnüşini we ululygyny kesgitlemek üçin RGB-D kameralaryny, serwopriwodlary we seresaply datçikleri ulanýar. Kameralar çuňluk we reňk baradaky maglumatlary, tutawaçdaky datçikler bolsa obýektleriň basyşyny we deformasiýasyny ölçäp, berkligini kesgitlemäge mümkinçilik berýärler.
Synag wagtynda RoboGrocery ýumşak (üzüm, çörek, kelem) we gaty (konserw gaplar, gutular) önümleri ýygnap, gaplamak meselesini üstünlikli çözdi. Robot her önümiň ýagdaýyny seljerýär we ony ýerleşdirmegiň iň amatly usulyny saýlaýar.
RoboGrocery entek doly derejede işlenip düzülmedi, ýöne hünärmenler onuň azyk önümçiliginde, azyk harytlary dükanlarynda we galyndylary sortlamak ýaly dürli ugurlarda ulanylmak mümkinçiligini belläp geçýärler.
