Neýt Dias boks söweşinde Horhe Maswidaldan ar aldy

  • 08.07.2024 12:33
  • 8.6k+

7-nji iýula geçilýän gije Anahaýmdaky (ABŞ) Honda Center arenasynda boks agşamy geçirildi we onuň esasy wakasy UFC-niň öňki ýyldyz söweşijileri Neýt Dias bilen Horhe Maswidalyň arasyndaky 10 raundlyk söweş boldy.

Söweş doly 10 raund dowam etdi we emin agzalarynyň aglabasynyň karary netijesinde Neýt Diasyň ýeňiş gazanmagy bilen tamamlandy. Şeýlelikde, Dias 2019-njy ýylyň noýabr aýynda UFC-niň çäklerinde geçirilen söweşde özüni ýeňen Maswidaldan ar aldy. Şonda söweşijiler ýörite olaryň tutluşygy üçin döredilen BMF guşagy ugrunda göreşipdiler.
Horhe Maswidal garyşyk başa-baş söweş sungatynyň düzgünleri boýunça soňky söweşini UFC 287 ýaryşynda geçirdi. Onuň garşydaşy braziliýaly söweşiji Gilbert Býorns boldy. Söweş emin agzalarynyň biragyzdan karary bilen Gilbertiň ýeňşi arkaly tamamlandy. Horhe üçin bu ýeňliş yzygider üçünji ýeňliş boldy.
Neýt Dias MMA-da 37 söweşe gatnaşyp, 24 ýeňiş gazandy we 13 ýeňlişe sezewar boldy. Dias geçen ýylyň awgust aýynda bloger Jeýk Pol bilen boks söweşini geçirdi we emin agzalarynyň biragyzdan karar bermegi netijesinde ondan ýeňildi.


23.06.2025 13:49
9.5k+

Agyr agramda UFC-niň çempiony Jon Jons karýerasyny tamamlady. Guşak Aspinalla geçdi

Agyr agramda UFC-niň çempiony Jon Jons 37 ýaşynda karýerasyny tamamlady. Bu barada söweş guramasynyň prezidenti Dana Uaýt Azerbaýjanda metbugat maslahatynda aýtdy. Bu ýerde UFC Fight Night ýaryşy geçirildi. “Jon Jons düýn agşam jaň edip, karýerasyny tamamlaýandygyny aýtdy...

21.06.2025 02:42
20k+

Abdulla Babaýew Fight Nights-yň ýaryşynda garşydaşyny demikdiriji usul bilen ýeňdi

Garyşyk söweş sungatynyň türkmenistanly wekili Abdulla Babaýew halkara ýaryşlarynda üstünlikli çykyşlaryny dowam edýär. Bu gezek ol Ulýanowskide (Russiýa) geçirilen Fight Nights ýaryşynda russiýaly garşydaşy Habib Guseýnowdan üstün çykdy...

15.06.2025 22:33
9.7k+

38 ýaşly Kamaru Usman UFC on ESPN 69 ýaryşynda Hoakin Bakliden üstün çykdy

15-nji iýunda Atlantada (ABŞ) UFC on ESPN 69 ýaryşy geçirildi. Agşamyň esasy wakasy UFC-niň öňki çempiony nigeriýaly Kamaru Usman bilen amerikaly Hoakin Bakliniň arasynda ýarym orta agramda geçirilen söweş boldy...

08.06.2025 17:30
10k+

Merab Dwalişwili rewanşda Şon O’Mellini ýeňip, iň ýeňil agramda UFC-niň çempiony titulyny gorady

8-nji iýuna geçilen gije Nýuarkda (Nýu-Jersi, ABŞ) garyşyk başa-baş söweş boýunça UFC 316 ýaryşy geçirildi. Agşamyň esasy wakasynda iň ýeňil agramda UFC-niň çempiony Merab Dwalişwili bu diwizionda öňki çempion Şon O’Mellä garşy titul goragyny geçirdi...