Prezident Serdar Berdimuhamedow Türkmenistanyň halkynyň we Hökümetiniň adyndan, şeýle hem hut öz adyndan jenap Kir Starmeri Beýik Britaniýanyň we Demirgazyk Irlandiýanyň Birleşen Patyşalygynyň Premýer-ministri wezipesine girişmegi mynasybetli tüýs ýürekden gutlady.
Döwlet Baştutany Türkmenistanda ýurtlarymyzyň arasyndaky dostlukly gatnaşyklara ýokary baha berilýändigini belläp, bu gatnaşyklaryň halklarymyzyň bähbidine mundan beýläk-de ösdüriljekdigine we pugtalandyryljakdygyna berk ynam bildirdi.
Serdar Berdimuhamedow mümkinçilikden peýdalanyp, Premýer-ministr Kir Starmere tüýs ýürekden berk jan saglyk, Beýik Britaniýanyň dostlukly halkynyň öňe gitmegine hem-de gülläp ösmegine gönükdirilen ähli başlangyçlarynda uly üstünlikleri arzuw etdi.
Beýik Britaniýanyň ählumumy saýlawlarynda Leýborisler partiýasy parlamentde sesleriň aglaba köplügini alyp, ynamly ýeňiş gazandy. Öňki Premýer-ministr Rişi Sunak Konserwatiw partiýanyň (tori) ýeňlendigini boýun aldy. Kir Starmer täze Ministrler Kabinetini düzdi.
