6-njy iýulda Türkmenistanyň Daşary işler ministrliginiň binasynda Türkmenistanyň edaralary bilen BMG-niň Hemişelik utgaşdyryjysynyň edarasynyň, şeýle hem BMGÖM-niň Türkmenistandaky wekilhanasynyň arasynda resminamalara gol çekmek dabarasy geçirildi.
Dabaranyň barşynda Türkmenistan bilen BMG-niň arasynda dürli ugurlarda özara gatnaşyklara bagyşlanan dört sany resminama gol çekildi:
- Türkmenistanyň Zähmet we ilaty durmuş taýdan goramak ministrligi bilen BMG-niň Hemişelik utgaşdyryjysynyň edarasynyň arasynda iş üpjünçolik we durmuş goraglylygy ulgamlaryny berkitmäge gönükdirilen Bilelikdäki maksatnamalaýyn resminama;
- Türkmenistanyň Saýlawlary we sala salşyklary geçirmek boýunça Merkezi topary bilen BMGÖM-niň wekilhanasynyň arasynda Toparyň mümkinçiliklerini artdyrmaga degişli taslama resminama üýtgeşmeler;
- Türkmenistanyň Ylymlar akademiýasynyň Seýsmologiýa we atmosfera fizikasy institutynyň hem-de BMGÖM-niň wekilhanasynyň arasynda sesýmiki howplary bahalandyrmak boýunça milli mümkinçilikleri berkitmeklige gönükdirilen taslama resminama goşundy;
- Aşgabadyň Adwokatlar kollegiýasynyň Prezidiumy bilen BMGÖM-niň wekilhanasynyň arasynda adwokatlar birleşmeleriniň adam hukuklaryny goramak ulgamynda mümkinçiliklerini artyamaga bagyşlanan 2024-2025-nji ýyllar üçin Iş meýilnamasy.
