Long-Aýlendiň (ABŞ) ýaşaýjysy Godwin Boateng awtoulagyň gapysyny ýapanda alan şikesi üçin BMW-den 1,9 million dollar öwez tölegini aldy. Bu barada The New York Post neşiri ýazýar.
2016-njy ýylda “ýumşak ýapylyş” (soft close) gapy ulgamy 70 müň dollara BMW X5 satyn alan adamyň sag eliniň başam barmagynyň işini gördi. Hirurglar barmagyň durkuny dikeldip bilmediler.
Boateng diňlenişikde tennis oýnamak, çemçe, wilka ýaly aşhana gurallaryny ulanmagyň we hat ýazmagyň täze usullaryny öwrenmek mümkinçiligini ýitirendigini aýtdy. Ol şikesli elini gizlemäge mejbur bolýar. Boatengiň aklawçysy BMW-ni ýalan sözlemekde aýyplady we kompaniýanyň “ýumşak ýapylyşyň” pidalarynyň sanyny azaldyp görkezýändigini aýtdy. Derňewiň dowamynda BMW dünýäde şuňa meňzeş wakanyň azyndan 44 sanysynyň ýüze çykandygyny boýun aldy.
Oturdaşlar bu wakada BMW-ni doly günäkär diýip hasapladylar. Kompaniýa şikes almagynda Boatengiň özüniň hem günäsiniň bardygyny öňe sürdi, ýöne kazyýet bu pikiri ret etdi. Ejir çekeniň aklawçysy BMW-niň ynsapsyzlyk edendigini we alyjysyny goramaýandygyny aýtdy.
Boateng kazyýet işiniň netijelerinden we öwezini doluş töleginiň mukdaryndan hoşaldygyny aýtdy.
Şeýle-de bolsa, gapylaryny göz öňünde tutmasaň, ony oňat awtoulag hasaplaýandygyny aýdyp, henizem öz BMW X5-ini sürüp ýör.
