Carscoops-yň suratçylary 2026-njy ýylyň tomsunda hödürlenmegine garaşylýan BMW X5-iň we iX5-iň indiki nesliniň prototiplerini ogrynça surata aldylar.
Örtüklidigine garamazdan, bezegindäki esasy üýtgeşmeleri göze ilýär. Täze model has kiçi radiator gözenegini we inçe faralary alar, bu BMW-iň soňky modelleriniň käbirinde bar bolan ullakan “burun deşiginiň” möwritiniň geçendigini aňladýar.
Şeýle hem suratda XM modelini ýada salýan yzky spoýlerler we teker diskleriniň iki - uly tormoz diskli we gyzyl supportly görnüşi, şeýle hem 22 dýuýmlyk tekerler görünýär.
BMW X5-niň içinden otlanýan hereketlendirijili, gibrid güýç gurluşly, şeýle hem iX5-iň ähli elektrikli görnüşi hödürlener diýlip garaşylýar. Mundan başga-da, geljekde wodorod hereketlendirijili we Toyota-nyň FCEV tehnologiýasy bolan görnüşi peýda bolup biler.
Benzinli we elektrikli görnüşleriniň ikisi hem Neue Klasse platformasynda gurlar.
