Soňky ýedi ýylyň içinde täze awtoulaglaryň ortaça agramy, takmynan, 400 kg agraldy. Bu barada Autocar-yň hünärmenleriniň derňewine salgylanýan “Awtonowosti dnýa” ýazýar.
Takmynan bir model siklinde - 2016-njy ýyldan 2023-nji ýyla çenli täze awtoulaglaryň ortaça agramy 1553 kg-dan 1947 kg-a çenli artdy.
Massanyň köpelmegi birnäçe faktorlara bagly bolup durýar:
Krossowerleriň meşhurlygynyň artmagy: adatça olar sedanlardan we hetçbeklerden has agyr. Mysal üçin, Skoda Kodiaq -yň agramy 1751 kg, bu bolsa onuň Skoda Superb-den 246 kg agyrdygyny aňladýar. Şonuň ýaly-da, Jaguar F-Pace şol bir 2,0 litrlik dizel hereketlendirijisi bolan XF-den 180 kg agyrdyr.
Elektrikleşdirilmegi: elektrikli ulaglar akkumulýatorlary sebäpli içinden otlanýan ulaglaryndan has agyr bolýar. 2023-nji ýylda olaryň ortaça agramy 1991 kg boldy, bu içinden otlanýan hereketlendirijili awtoulaglardan 100 kg agyrdygyny aňladýar.
Howpsuzlyk talaplarynyň berkemegi: Howpsuzlyk standartlarynyň berkemegi awtoulag öndürijileri has güýçli materiallary we gorag ulgamlaryny ulanmaga mejbur edýär.
2024-nji ýylyň birinji çärýeginde synag edilen ulaglaryň ortaça agramy (köpüsi elektrik ulaglary ýa-da krossowerler) 2 087 kg boldy. Agramy 2899 kg bolan Mersedes-Benz EQS iň agyr elektrik krossoweridir.
Geçen ýyl synagdan geçen, agramy 1 065 kg bolan Alpine A110 R sport kupesi we agramy 1 352kg bolan benzin bilen işleýän Hyundai Kona krossoweri iň ýeňil awtoulag boldy.
