Samsung Electronics 2024-nji ýylyň ikinji çärýeginde girdejiniň 13 esse ýokarlanmagyna garaşýar. Operasion girdeji bir ýyl ozaky 486 mln dollar bilen deňeşdirilende 6,34 mlrd dollara ýetip biler diýip, IXBT ýazýar.
Ösüş 3,34 mlrd dollar möçberde girdeji almaga garaşýan ýarym geçirijiler bölüminde görkezijileriň gowulaşmagy bilen baglanyşyklydyr.
Oňyn dinamikanyň sebäbi ýokary öndürijilikli DRAM çiplerine, aýratynam, emeli aň programmalary üçin çiplere islegiň artmagy boldy. DRAM üçin bahalar 13-18%, NAND Flash çipleri üçin bolsa 15-20% ýokarlandy.
Umumy girdejä garamazdan, kompaniýanyň mobil biznesi pese gaçyşy görkezýär. Bölümiň garaşylýan girdejisi 1,6 mlrd dollar we bu geçen ýylyň görkezijisinden azdyr. Pese gaçyş çykdajylaryň we emeli aň hyzmatlaryna maýa goýumlaryň ýokarlanmagy bilen baglanyşykly.
Samsung 10-njy iýulda Parižde täze Galaxy Z Fold 6 we Galaxy Z Flip 6 eplenýän smartfonlaryny hem-de mobil aksessuarlaryny hödürlär. Şeýle-de, kompaniýa saglyga gözegçilik etmek üçin niýetlenen täze akylly ýüzügi Galaxy Ring bilen tanyşdyrar.
Kompaniýanyň girdejiler barada has giňişleýin maglumatlary aýyň ahyrynda hödürlemegine garaşylýar.
