5-nji iýulda Ýer öz orbitasynyň Günden iň uzak nokady bolan afeliý nokadyna ýetdi. Şol gün planetamyz Günden 152 million kilometr uzaklykda ýerleşip, bu Güne iň ýakyn nokady bolan perigeliýden 5 million kilometr köpdür diýip, The New York Times gazeti habar berýär.
Grek dilinden terjime edilende "Günden uzak" diýen manysyny berýän "afeliý" Ýeriň orbitasynyň ellips görnüşindediginden gelip çykýar. Bu şekil Gün ulgamyndaky beýleki planetalaryň, esasanam, Ýupiteriň dartyş güýji bilen baglanyşyklydyr.
Aralygyň artýandygyna garamazdan, afeliý Ýeriň temperaturasyna düýpli täsir etmeýär. Alynýan Gün şöhlesiniň mukdaryndaky tapawut bary-ýogy 7%. Ýerde pasyllaryň üýtgemegi planetamyzyň aýlanma okunyň epilmegi bilen ýüze çykýar.
Şol gün Günüň görünýän diski 2024-nji ýylda iň pes derejededi, ýöne bu tapawut göze görünmeýär, sebäbi üýtgeşme alty aýyň dowamynda kem-kemden bolup geçýär.
