Günorta Koreýaly ýyldyz, meşhur BTS toparynyň agzasy Çin (hakyky ady Kim Sokçin) Parižde 2024-nji ýylda geçiriljek Olimpiýa oýunlarynyň açylyşynda alaw göterijileriň biri bolar diýip, Yonhap agentligi çeşmelere salgylanyp habar berýär.
Dabarada Çiniň peýda boljak takyk ýeri we wagty aýan edilmedi.
Iýun aýynda Çin Günorta Koreýada hökmany bolan gulluga gidip we gaýdyp gelen ilkinji BTS agzasy boldy.
Olimpiýa alawy Gresiýada ýakyldy we iýun aýynda Fransiýa getirildi. Alaw bir materik we 400-den gowrak şäherlerden geçip, 12 müň km gowrak ýol aşdy. Açylyş dabarasyna alaw 27-nji iýulda getiriler.
Olimpiýa alawy estafetasyna takmynan 11 müň alaw göterijiniň gatnaşjakdygy bellenip geçilýär. Estafeta futbolçy Didie Drogba, basketbolçy Toni Park, nasist konslagerinde aman galanlar, Nitsadaky terrorçylykly hüjümiň pidalary, kosmonawtlar gatnaşarlar.
Pariž Olimpiadasy 27-nji iýulda başlap, 11-nji awgusta çenli dowam eder. Jemi 206 ýurtdan 15 müňden gowrak türgen hasaba alyndy.
