NASA geljekki Gateway Aý stansiýasynyň 3D modelini hödürledi. Ol Halkara kosmos stansiýasynyň (ISS) ornuny tutar we geljekde Aýda geçiriljek barlaglaryň hem-de Marsa boljak missiýalaryň meýdançasyna öwrüler diýip Mail.ru ýazýar.
Gateway-iň gurluşygy “Artemida-4” maksatnamasynyň çäklerinde 2028-nji ýylda başlanar. Ýewropa kosmos gullugy (ESA), Ýaponiýanyň JAXA gullugy we beýleki hyzmatdaşlar tarapyndan işlenip düzülen ilkinji modullar Aýyň orbitasyna eltiler we soňra işleýän kosmos desgasyny döretmek üçin birikdiriler.
Gateway durmuş üpjünçiligi ulgamy, hereketlendiriji we energiýa ulgamlary, şol sanda kuwwatly Gün panellerini öz içine alýan energiýa ulgamy bilen üpjün ediler. Onuň merkezi bölegi bolan “Ýaşaýşa we logistika gözegçilik nokady” (HALO) Ýer we Aý bilen aragatnaşygy üpjün eder, şeýle hem stansiýanyň ähli ulgamlarynyň dolandyrylyşyna gözegçilik eder.
Şol bir wagtyň özünde HKS öz wezipesini kem-kemden tamamlap barýar. NASA 2030-njy ýylda stansiýany orbitadan çykarmak barada SpaceX bilen ylalaşdy. Taslamanyň bahasy 843 million dollar diýlip çaklanylýar.
