4-nji iýulda geçirilen Şanhaý Hyzmatdaşlyk Guramasynyň (ŞHG) sammitiniň jemi boýunça 2025-2027-nji ýyllarda guramanyň Baş sekretary wezipesini kimiň eýelejekdigi belli boldy.
Indiki Baş sekretar Gazagystanyň öňki goranmak ministri Nurlan Ýermekbaýew bolar diýip, Tengrinews.kz habar berýär.
Häzirki wagtda ŞHG-niň Baş sekretarynyň orunbasary wezipesini eýeleýän Ýermekbaýew 2025-nji ýylyň 1-nji ýanwaryndan wezipä girişer we bu wezipede Hytaýyň wekili Çžan Miniň ornuny eýelär.
Nurlan Ýermekbaýew – Gazagystanyň döwlet işgäri, syýasy ylymlaryň kandidaty, 2018-2021-nji ýyllarda goranmak ministri, general-leýtenant harby derejesine eýe.
Gazagystan 2023-nji ýylyň iýul aýyndan bäri ŞHG-de başlyklyk edýär, Astana sammitinden soň başlyklyk etmek nobaty Hytaýa geçýär.
