ABŞ-da geçirilýän Amerikanyň Kubogy-2024 ýaryşynyň toparlaýyn tapgyrynyň tamamlanmagy bilen, dörtden bir final oýunlarynyň ähli jübütleri belli boldy.
3-nji iýulda irden (Aşgabat wagty bilen) D toparçada Braziliýanyň milli ýygyndysy Kolumbiýa bilen 1:1 hasabynda deňme-deň oýnady, Kosta-Rika bolsa Paragwaýy 2:1 hasabynda utdy. Bu netije braziliýaly we kolumbiýaly oýunçylara pleý-offa çykmaga mümkinçilik berdi.
Ýaryşyň dörtden bir finalynda duşuşarlar:
- Argentina – Ekwador (5-nji iýul, Aşgabat wagty bilen 06:00-da başlaýar)
- Wenesuela – Kanada (6-njy iýul, 06:00)
- Kolumbiýa – Panama (7-nji iýul, 03:00)
- Urugwaý – Braziliýa (7-nji iýul, 06:00)
Ilkinji iki jübütiň ýeňijileri birinji ýarym finalda, üçünji we dördünji jübütleriň ýeňijileri ikinji ýarym finalda duşuşar.
Çiliniň, Peruwyň, Meksikanyň, Ýamaýkanyň, ABŞ-nyň (ýaryşyň ýer eýeleri), Boliwiýanyň, Kosta-Rikanyň we Paragwaýyň milli toparlary ýaryşdan çykdy.
