Niderlandlar we Türkiýe Ýewro-2024-üň 1/4 finalyna çykdy

  • 03.07.2024 11:23
  • 9.4k+

Niderlandlaryň we Türkiýäniň mili ýygyndylary dört bir finalyň soňky iki gatnaşyjysy boldy.

Niderlandlylar Rumyniýany aňsatlyk bilen utdular – 3:0. Duşuşyk Mýunhende geçirildi. Kodi Gakpo gol geçirdi (20-nji minut) we kömekçi boldy, Doniell Malen iki gol girizdi (83, 90+3).
Gakponyň hasabynda indi Ýewro-2024-de üç gol bar, ol ýaryşyň iň gowy bombardirleriniň sanawynda Žorž Mikautadzeniň (Gruziýa), Jamal Musialanyň (Germaniýa) we Iwan Şransyň (Slowekiýa) yzyndan ýetdi.
Beýleki bir oýunda Türkiýäniň milli ýygyndysy Awstriýany 2:1 hasabynda utdy. Duşuşyk Leýpsigde geçirildi.
Türkiýe topary eýýäm 57-nji sekuntda öňe çykdy, Merih Demiral gol bilen tapawutlandy. Oýnuň ikinji ýarymynda toparlaryň ikisi-de gol geçirdi. Demiral 59-njy minutda ikinji goluny girizdi, awstriýalylardan Mihael Gregoriç tapawutlandy (66).
Belläp geçsek, Demiralyň ilkinji topy Ýewronyň pleý-off tapgyrynyň taryhynda iň çalt geçirilen gol boldy. Bu ýaryşda eýýäm birinji minutda geçirilen ikinji goldur – toparlaýyn tapgyrda albaniýalylar Italiýanyň derwezesine oýun başlanyndan 23 sekuntdan soň gol saldylar. Geçen 16 Ýewropa çempionatynda toparlaýyn tapgyrda-da, pleý-offda-da hiç kim birinji minutda gol geçirmändi.
Bu Türkiýe we Niderlandlar üçin 2008-nji ýyldan bäri Ýewro ýaryşynyň dörtden bir finalyna ilkinji gezek çykmadyr. Olaryň biri ýene öňe gider – şenbeden ýekşenbe gününe geçilýän gije (Aşgabat wagty bilen 00:00-da) olar özaralarynda oýnar. Üç sagat öň, 21:00-da Angliýa – Şweýsariýa oýny başlar.
Anna güni futbol muşdaklaryna iki güýçli oýun garaşýar: ilki Ispaniýa – Germaniýa (21:00), soň ýarygije Portugaliýa – Fransiýa oýny (Ronaldu vs Mbappe) geçiriler.


düýn 15:41
7.3k+

Şu gije Çempionlar ligasynyň umumy tapgyry jemlener: kim gaýdar, kim galar?

Şu gije 2024/25 möwsüminiň UEFA-nyň Çempionlar ligasy ýaryşynyň umumy tapgyrynyň jemleýji oýunlary geçiriler. 8-nji tapgyryň ähli oýunlary bir wagtda oýnalar. Bu duşuşyklaryň netijesinde klublaryň ÇL-iň ýaryş jedwelindäki...

düýn 11:54
10k+

Türkmenistanyň milli ýaşlar ýygyndysynyň 18 ýaşly hüjümçisi “Rostowyň” oýunçysy boldy

Russiýanyň “Rostow” futbol kluby Türkmenistanyň milli ýaşlar ýygyndysynyň 18 ýaşly hüjümçisi Denis Titow bilen şertnama baglaşdy. Futbolçy eýýäm BAE-de geçirilýän okuw-türgenleşik ýygnanyşyklarynda esasy topara...

28.01.2025 23:59
3.9k+

Afrika Milletleriniň Kubogy-2025-iň bijeleri çekildi

28-nji ýanwara geçilýän gije Marokkonyň paýtagty Rabatda 2025-nji ýylda geçiriljek Afrika Milletleriniň Kubogy ugrundaky ýaryşyň bijeleri çekildi. Ýygyndy toparlar alty sany dörtlük topara bölündi: A topar: Marokko...

28.01.2025 23:47
9.4k+

“Mançester Ýunaýted” Habib we Usman Nurmagomedowlara atly köýnekçeleri sowgat etdi

Garyşyk stiliň belli russiýaly söweşijileri Habib we Usman Nurmagomedowlar Abu-Dabide (BAE) geçirilen PFL ýaryşyndan soň Angliýanyň “Mançester Ýunaýted” futbol klubundan atly köýnekçeleri sowgat aldy. Şeýle köýnekçe...