Amerikaly ýeňil atletikaçy Sidni Maklaflin-Lewron päsgelçilikli 400 metr aralyga ylgamakda täze dünýä rekordyny goýdy. Ol ABŞ-nyň Pariždäki 2024-nji ýylyň Olimpiýa oýunlaryna milli saýlama ýaryşynyň finalynda 50.65 sekunt netijäni görkezip, özüniň öňki rekordyny (50.68) täzeledi.
Bu Maklafliniň karýerasynda ilkinji rekord däl. Ol 2022-nji ýylda taryhda päsgelçilikli 400 metr aralygy 51 sekuntdan az wagtyň içinde geçen ilkinji zenan boldy. 2020-nji ýylyň Tokiodaky Olimpiýa oýunlarynda iki altyn medal gazandy: päsgelçilikli 400 metre ylgamakda we ABŞ-nyň estafeta toparynyň düzüminde 4х400 metr aralyga ylgawda.
Maklafliniň Parižde ýeňiş gazanmaga mümkinçiligi ýokary, ol bu ýerde Olimpiýa çempiony titulyny goramaga synanyşar.
