NASA Bürgüt ýyldyzlar toplumyndaky meşhur "Döreýiş Sütünleriniň" arasy bilen wirtual “uçmaga” mümkinçilik berýän täze wideony hödürledi. Animasiýa “Habble” we “Jeýms Uebb” kosmos teleskoplary arkaly alnan maglumatlaryň kömegi bilen döredildi.
Wideoda sowuk molekulýar wodoroddan we tozandan ybarat sütünleriň üç ölçegli gurluşy görkezilýär. Olar ýelleriň we içindäki ýaş ýyldyzlaryň şöhlesinden ýaňa weýran bolup gidýärler.
“Habble” görünýän ýagtylykda ýalpyldaýan zatlary surata düşürýär, Uebbiň infragyzyl kamerasy bolsa tozanyň içinde gizlenen sowuk zatlary we ýyldyzlary görmäge mümkinçilik berýär.
Wideo tomaşaçylara ýyldyzlaryň emele gelşiniň dürli tapgyrlaryny, şol sanda, protoýyldyzlary, jetli ýaş ýyldyzlary we ýaş ýyldyzlar tarapyndan çykarylan materiallary synlamaga mümkinçilik berýär.
Mundan başga-da, NASA göçürip alyp bolýan STL faýlyny çap etdi. Onuň kömegi bilen 3D printerde “Dörediş Sütünleriniň” modelini özbaşdak çap edip bolýar.
“Döreýiş Sütünleri” Ýerden 5700 ýagtylyk ýyly uzaklykda ýerleşýär. Bu sebit ýyldyz emele getiriş hadysalaryna şeýle bir baý welin, alymlar şeýle prosesler barada yzygiderli täze maglumatlary ýazga alýarlar, netijede bu ýyldyzlaryň ewolýusiýasynyň ilkinji ädimleri baradaky bilimleri takyklamaga mümkinçilik berýär.
