30-njy iýunda “Tapmaça 2-niň” (“Головоломка 2”) girdejisi ilkinji görkezilişinden soň iki ýarym hepdäniň içinde dünýä kassa ýygymynda milliard dollardan geçdi. Animasiýa filmi 14-nji iýunda çykdy.
Geçen hepdäniň ahyrynda Pixar-yň multfilmi 2024-nji ýylda iň köp girdeji gazanan film boldy – ol ýygymlarynda “Dýuna 2-den” (711 million dollar) geçdi. Şeýle hem ABŞ-da ýylyň iň köp girdeji gazanan filmi boldy. Filmiň býujeti 200 million dollar boldy, ol çykdajylaryny doly ýapdy we döredijilere diňe girdeji getirýär.
Sikweliň sýužeti Raýli atly bir gyzyň ýetginjeklik döwrüni başdan geçirişini gürrüň berýär. Onuň Şatlyk, Gynanç, Gorky, Gahar we Ýigrenç ýaly esasy duýgularyna täze - Alada, Göriplik, Tukatlyk we Çekinjeňlik ýaly duýgular goşulýar.
Filmiň dowamynyň iki hepdäniň içinde kassa ýygymlary boýunça birinji bölümden eýýäm geçendigini bellemelidiris. “Tapmaça” filminiň ilkinji bölümi dünýäniň kassa ýygymynda 857 million dollar gazandy.
