Beýik Britaniýada Londonyň Korol Entomologiýa Jemgyýeti tarapyndan gurnalan her ýylky surat bäsleşigi tamamlandy. Onda ýorkşirli Lýuk Çembers özüniň “Ukudaky kuku-arylar” suraty bilen ýeňiji boldy, suratda iki sany kuku-ary otuň üstünde dynç alyp ýatyr.
“Uklap ýatan oňurgasyzlara duşmak – seýrek ýagdaý. Ýöne birbada ikisini görmek, onda-da biri-birine şeýle ýakyn ýagdaýda – bu nesibeli petegiň utmak bilen des-deň"- diýip, Çembers öz işini beýan edýärkä aýtdy.
Tim Jonasyň liçinkalarynyň suraty ikinji ýeri eýeledi.
Bäsleşigiň baş emini, doktor Tim Kokerill şular ýaly suratlaryň mör-möjekler dünýäsiniň dürlüligini we gözelligini görkezmekde möhümdigini aýtdy. "Hazir mör-möjekleriň köp görnüşiniň ýaşaýşyna çynlakaý howp abanýan döwürde, bu täsin suratlar ýygyndysynyň olaryň hakykatdanam hem gerekli we owadandygyny görkezer diýip umyt edýärin" diýip, ol belledi.
18 ýaşa ýetmedik suratçylaryň kategoriýasynda dynç alýan zolakly teneçiri surata alan, 17 ýaşly şwesiýaly Gustaw Parenmark ýeňiji boldy. Bu kategoriýada ikinji orny talaňçy çybynyň suraty üçin 8 ýaşly Jeými Smart eýeledi.
Dürli kategoriýalardaky baýraklar suratçy Abi Battene, Nikita Riçardsona, Tomas Robertse, Lila Çennere we Panaýotis Dalagiorgosa gowşuryldy.
Bäsleşik Beýik Britaniýada her ýyl geçirmek däp bolan mör-möjekler hepdeliginiň çäginde geçirildi.
