ABŞ-nyň paýtagty Waşingtonda adatdan daşary yssy howa sebäpli ýurduň 16-njy Prezidenti Awraam Linkolnyň mumdan ýasalan heýkeli eredi. Sebitdäki ýokary temperatura tutuş hepdäniň dowamynda saklandy.
Garnizon başlangyç mekdebiniň öňünde oturdylan iki metrlik heýkel Wirjiniýadan suratkeş Sendi Wilýamsyň “Mum ýadygärlikleri” seriýasynyň bir bölegidi.
BBC ilki heýkeliň kellesiniň erändigini, soň bir aýagyň göwreden aýrylandygyny, dabanyň bolsa bulaşyk bir zada öwrülendigini ýazýar. Linkolnyň oturan kürsüsi hem yssy howanyň täsiri astynda formasyny üýtgedipdir.
Ýerli KHBS-iň maglumatlaryna görä, mumdan ýasalan heýkeliň kellesi häzir gaýtadan dikeldilýär. Ony ýakyn wagtda öz ýerine gaýtarmak meýilleşdirilýär.
