Hytaýyň CATL kompaniýasy energiýa dykyzlygy 500 Wts/kg bolan aşa dykyz batareýanyň işlenip düzülýändigini habar berdi. Bu tehnologiýa uçuş uzaklygy 3000 km çenli bolan elektrik uçarlaryny döretmäge mümkinçilik berer diýip, New Atlas ýazýar.
Kompaniýa täze batareýany ulanyp 4 tonnalyk uçary üstünlikli synagdan geçirdi. 2028-nji ýyla çenli CATL sebit gatnawlaryna gönükdirilen 8 tonnalyk elektrik uçaryny öndürmegi meýilleşdirýär.
Hytaýyň uçar öndüriji kompaniýasy COMAC bilen hyzmatdaşlykda işlenip düzülen täze batareýa ýokary howpsuzlyga we agramy azaltmaga gönükdirilendir. Bu batareýa Tesla elektrik ulaglarynda ulanylýan litiý-ion batareýalaryndan we beýleki bar bolan analoglardan üstündir.
Taslamanyň üstünlikli durmuşa geçirilmegi Hytaýa ekologiýa taýdan arassa awiasiýa tehnologiýalaryny ösdürmekde öňdebaryjy orunlary eýelemäge mümkinçilik berer. Şeýle-de bolsa, käbir bilermenler şeýle ýokary energiýa dykyzlygy bolan batareýalary ulanmagyň howpsuzlygy barada aladalanýarlar: batareýa agram birligi üçin näçe köp energiýa sarp etse, termiki ýokarlanma meseleleriniň döremek ähtimallygy şonça-da ýokary bolar we birje zadyň nädogry bolmagy weýran ediji netijä getirip biler.
CATL elektrikli ulaglar üçin batareýalary öndürmekde dünýäde öňdebaryjydyr. Häzirki wagtda kompaniýa umumy bazar paýynyň 37%-ine eýedir. Ford-dan Tesla-a çenli awtoulag öndürijileriniň hemmesi diýen ýaly CATL batareýalaryny ulanýarlar.
