Hindistanyň kosmos gözlegleri guramasy (ISRO) Aýdan Ýere toprak nusgalaryny getirjek “Çandraýan-4” Aý missiýasynyň uçurylyşyna rewolýusion çemeleşmäni anons etdi. Adaty uçuryşyň deregine, kosmos enjamy orbitada kosmosa aýratyn iberilen birnäçe bölekden ýygnalar diýip, IXBT habar berýär.
Şeýle çözgüt “Çandraýan-4-üň” ISRO-nyň bar bolan raketalary üçin has uly boljakdygy bilen baglanyşyklydyr. Orbitada ýygnama ýük göterijilik boýunça çäklendirmäni aradan aýyrmaga mümkinçilik berer.
ISRO eýýäm şu ýyla meýilleşdirilen Spadex missiýasynyň çäklerinde kosmosda modullaryň birleşmek tehnologiýasyny synagdan geçirýär.
“Çandraýan-4-den” başga-da, ISRO hususy kosmos stansiýasy “Bharatiýa Antarikş stansiýasyny” (BAS) döretmegiň taslamasyny taýýarlaýar. Ol hem orbitada aýry-aýry böleklerden ýygnanar. Stansiýanyň gurluşygyny 2035-nji ýyla çenli tamamlamak meýilleşdirilýär.
Mundan başga-da, ISRO geljekki kosmos missiýalary üçin, şol sanda BAS modullaryny uçurmak üçin esas bolup hyzmat etjek Next Generation Launch Vehicle (NGLV) raketasyny işläp taýýarlaýar.
Hindistan 2040-njy ýyla çenli Aýa adam ibermegi meýilleşdirýär, 2047-nji ýyla çenli bolsa öz Aý bazasyny döretmegi göz öňünde tutýar.
