Şu gün BMG-niň Baş sekretary Antoniu Guterriş Merkezi Aziýa ýurtlaryna saparyna başlar. Ol Özbegistanda, Gyrgyzystanda, Gazagystanda, Täjigistanda we Türkmenistanda bolar. Bu barada anna güni Nýu-Ýorkda geçirilen brifingde onuň metbugat sekretary Stefan Dýužarrik aýtdy.
Sapar 7-nji iýulda tamamlanar. Her ýurtda Guterriş döwlet Baştutanlary we ýokary wezipeli adamlar bilen duşuşar, şeýle-de howanyň üýtgemegine garşy göreş taslamalary bilen tanşar.
4-nji iýulda Astanada BMG-niň başlygy Şanhaý Hyzmatdaşlyk Guramasynyň sammitine gatnaşar. Ol öz çykyşynda BMG-niň Düzgünnamasyna we Adam hukuklarynyň ählumumy jarnamasyna esaslanýan köptaraplaýynlyk ýörelgelerine ygrarlylygyň ähmiýetini bellär. Şeýle-de, Guterriş umumy howplar, şol sanda howanyň üýtgemegi bilen göreşde geosyýasy gapma-garşylyklaryň ýaramaz täsiri barada alada bildirer.
Ýatlap geçsek, Guterriş 2017-nji ýylda bu sebite gelip gördi.
