Hytaýyň Xiaomi kompaniýasy bäsdeşleriň göreldesine eýerip, smartfonlary zarýad beriji bloklar bilen üpjün etmegini bes etdi. Bu barada Phone Arena portaly habar berýär.
Şeýle çaklama Ýewropada Redmi 13 smartfony çykanyndan soň peýda boldy, çünki toplumda zarýad beriji gurluş ýokdy. Şeýlelikde, Xiaomi-niň geljekki modelleri, aýratynam, Ýewropada çykarylýan modeller bazara zarýad berijisiz çykyp biler. Bu çemeleşme eýýäm Apple we Samsung ýaly iri kompaniýalar tarapyndan öňden bäri ulanylýar.
Şeýle çözgüt ulanyjylaryň köpüsinde zarýad beriji gurluşlaryň eýýäm bardygy üçin elektron galyndylary azaltmaga ýardam berer diýlip hasaplanýar. Mundan başga-da, toplumdan zarýad beriji gurluşy aýyrmak gajetleriň bahasyny peseldip biler.
Ýöne bilermenler bu ädimiň, aýratynam, ýakynda smartfon satyn alan we gabat gelýän zarýad berijisi bolmadyk ulanyjylar üçin oňaýsyzlyk döredip biljekdigini aýdýarlar. Bu ýagdaýda täze zarýad berijini satyn almak goşmaça çykdajylara getirer.
Häzirlikçe Xiaomi-niň özi bu mesele babatda resmi taýdan aýtmady we gurluşyň toplumyndaky üýtgeşmelere hiç hili teswir bermedi.
