Prezident Serdar Berdimuhamedow Arkadag şäheriniň ikinji tapgyrynyň gurluşygyna degişli «Binalary we desgalary gurmak hakynda» Karara gol çekdi. Döwlet Baştutany degişli resminama anna güni Hökümet mejlisiniň barşynda gol çekdi.
Resminama laýyklykda, edara-kärhanalara ýerli gurluşyk kompaniýalary bilen Arkadag şäherinde binalaryň we desgalaryň taslamalaryny düzmek we gurmak, şeýle hem ýanaşyk ýerlerini abadanlaşdyrmak boýunça şertnamalary baglanyşmaga rugsat berildi.
Hususan-da, täze şäheriň ikinji tapgyrynda demir ýol menziliniň, awtomenziliň, awtoulag kärhanasynyň, söwda-hyzmat toplumynyň, seýsmologiýa stansiýasynyň we 72 sany iki gatly ýaşaýyş jaýlarynyň gurluşygy göz öňünde tutulýar.
Gurluşyk işlerine 2024-nji ýylyň iýun aýynda başlap, binalary we desgalary 2026-njy ýylyň sentýabrynda doly ulanyşa bermek bellenildi.
