Hyundai kompaniýasy, ABŞ-da rul üçin täze tehnologiýany patentlemäge arza berdi. Onda geçirijileri üýtgetmek üçin iň amatly pursady teklip edýän görkezijileri ruluň halkasyna geçirmek teklip edilýär.
Şuňa meňzeş ulgamlar eýýäm ýaryş awtoulaglarynda we Ferrari modelleri ýaly käbir raýat superkarlarynda ulanylýar. Şeýle-de bolsa, CarBuzz-yň habar bermegine görä, Hyundai köpçülikleýin önümçilik üçin niýetlenen ruly patentleýär.
Hyundai her bir sport awtoulagy üçin aýratynlykda LED görkezijileri bolan rullary öndürmegi meýilleşdirmeýär. Muňa derek, kompaniýa elektrik simleri geçirmek üçin kanallar döredip, esasy ruluň dizaýnyny üýtgetmek we şular ýaly rullary yzygiderli öndürmek isleýär. Şeýlelik bilen, islän wagtyňyzda rula LED-leri oturdyp, ony üýtgedip bolar, bu bolsa has arzandyr.
Hyundai modelleriniň haýsylarynyň kämilleşdirilen ruly aljakdygy entek belli däl. Patent eskizlerinde Genesis nyşany bolan rul görkezilýär we nusga hökmünde flagman G90 sedanynyň ruly ulanylan bolmagy ähtimal. Magma setirinden bolan G90 üýtgeşme alsa, ol goşmaça görkezijiler bilen enjamlaşdyrylyp bilner.
Mundan başga-da, Hyundai şular ýaly rullary “zarýadly” elektrik awtoulaglaryna gurnap ýa-da goşmaça sazlaýjy enjamlaryň biri hökmünde hödürläp biler.
