Xiaomi Disney multfilmleriniň gahrymany Garpamykdan ruhlanan Civi 4 Pro smartfonynyň çäkli görnüşini hödürledi. Xiaominiň Weibodaky web sahypasynda habar berlişine görä, hytaý kompaniýasy Disney studiýasy bilen bilelikde taslamanyň üstünde işledi.
Xiaomi Civi 4 Pro Disney Princess Edition şa gyzynyň keşbini ýada salýan benewşe reňkde ýasaldy. Smartfonyň arka paneli ertekiniň ajaýyp ruhuny döredip, reňk öwüşginlerini üýtgedip durýar. Topluma ertekidäki ýaly “Jadyly aýnaly” daşlyk hem girýär.
Smartfonyň programma üpjünçiligi hem ertekiniň dizaýnyny aldy. Onda brend nyşanly, wijetli we oboýly Snow White temasy.
Tehniki aýratynlyklary boýunça Civi 4 Pro Disney Princess Edition adaty modele meňzeýär: täzeleniş tizligi 120 Hz bolan 6,55 dýuýmlyk AMOLED displeý, Snapdragon 8s Gen 3 çipset, 67 Wt çalt zarýad alýan 4700 mAh akkumulýator.
Bu seriýadaky smartfonda ilkinji gezek Leica Summilux optiki ulgamy oturdyldy. Esasy kamera 1 / 1,55 dýuýmlyk optiki formatda 50 megapikselli Light Hunter 800 datçigini öz içine alýar. Şeýle hem, smartfon 2x zumly 50 megapikselli portret kamerasyny we 15 mm ultra giň burçly linzaly 12 megapiksel kamerany aldy. Kompaniýa sosial ulgamlarda mysaly suratlaryny paýlaşdy.
