Xiaomi kompaniýasy SU7 elektromobiliniň satuwyny soňky bir hepdäniň dowamynda 30%-den gowrak artdyrmagy başardy. Bu kompaniýa ilkinji gezek satuw boýunça Hytaýyň iň gowy awtoöndürijileriniň ilkinji onlugyna girmäge mümkinçilik berdi.
Ýylyň 25-nji hepdesinde (17-23-nji iýun) Xiaomi SU7-niň satuwy 3300 birlik boldy we bu ondan öňki hepdeden 32% köpdür. Bu aprel aýynyň başynda modeliň müşderilere iberilip başlananyndan bäri rekord görkeziji boldy. Iýun aýynyň ilkinji üç hepdesinde Xiaomi 7900 SU7 elektromobilini satmagy başardy.
Xiaomi-niň baş müdiri we esaslandyryjysy Leý Szýun kompaniýanyň awtoulag üpjünçiligini iýun aýynda 10 000 birlige we 2024-nji ýylda 120 000 awtomobile ýetirmegi meýilleşdirýändigini aýtdy.
Ýatlap geçsek, SU7 häzirki wagtda Xiaomi tarapyndan hödürlenen ýeke-täk elektromobil modelidir. Ýöne ýakynda kompaniýanyň elektrik krossoweri synagdan geçirýändigi we gibrid awtomobiliň üstünde işleýändigi belli boldy.
