«Qatar Airways» dünýäniň iň gowy awiakompaniýasy adyna sekizinji gezek mynasyp bolýar

  • 27.06.2024 16:09
  • 13k+

Dünýäniň abraýly awiakompaniýalarynyň biri bolan «Qatar Airways» Skytrax World Airline Awards-yň  2024-nji ýyldaky ýeňijisi diýlip yglan edildi. Bu baýragyň 25 ýyllyk taryhynda «Qatar Airways-yň» şeýle ýokary derejä, 2011-nji ýyldan bäri, eýýäm, sekizinji gezek mynasyp bolýandygydyr.

2024-nji ýylyň 24-nji iýunynda Londonyň Heathrow howa menziliniň golaýyndaky «Fairmont Windsor» seýilgähinde geçirilen gala dabarasynda şu ýylyň iň gowy awiakompaniýalary yglan edildi. Bu gezekki çärä dünýädäki awiakompaniýalardan 325-den gowrak myhman gatnaşdy. Olaryň arasynda awiakompaniýalaryň baş direktorlary, prezidentleri we ýokary derejeli ýolbaşçylary hem bar.
«Skytrax», dürli awiakompaniýalar we howa menzilleri tarapyndan berilýän hyzmatlaryň hilini öwrenmekde ýöriteleşen Iňlis hususy maslahat beriş kompaniýasydyr. Ol 1989-njy ýylda esaslandyryldy. Dürli ýolagçy gözlegleriniň esasynda 210-dan gowrak awiakompaniýa we 65 howa menzili barada giňişleýin maglumat alyp bolýar.
«Awiasiýa pudagynyň Oskarlary» diýlip atlandyrylýan Bütindünýä howa ýollary baýraklary bolsa 1999-njy ýylda esaslandyryldy we şondan bäri her ýyl yzygiderli geçirilip gelinýär.  Maliýe-guramaçylyk işleri «Skytrax» tarapyndan ýola goýlan bu baýraklaryň ýeňijisini kesgitlemekde adalatly baha bermelere daýanýarlar. 
«Qatar Airways» «2024-nji ýylyň Dünýäniň iň gowy howaýoly» diýlip yglan edilmeginden başga-da, «Dünýäniň iň gowy biznes-klasy», «Dünýäniň iň oňat biznes-salony» we «Ýakyn Gündogaryň iň gowy howaýollary» ýaly iň ýokary baýraklary hem almagy başardy. 
Şu ýylyň başynda «Qatar Airways-yň» esasy iş merkezi bolan Hamad halkara howa menzili 2024-nji ýylda «Dünýäniň iň gowy howa menzili» baýragyny, şeýle hem onunjy gezek «Ýakyn Gündogaryň iň gowy howa menzili» diýen baýragy hem alypdy. Katar Duty Free hem-de beýleki söwda nokatlary, howa menzilindäki restoranlar we ol ýerdäki hyzmatyň hiliniň ýokary derejesi üçin bu halkara howa menzili «Dünýäde söwda üçin iň gowy howa menzili» baýragyna hem mynasyp boldy.  Ikinji ýere bu baýragyň geçen ýylky ýeňijisi Singapur Howaýollary, üçünji ýere bola «Emirat» howaýollary mynasyp boldular. 


29.10.2025 11:10
4k+

Mongoliýada Gobi çölünde Marsdaky durmuşa meňzedilen syýahatçylyk lageri dörediler

Mongoliýada adaty bolmadyk syýahatçylyk taslamasy işlenip düzülýär: Gobi çölünde myhmanlar Marsdaky ýaly şertlerde ýaşaýşy başdan geçirip bilerler. Bu başlangyjy Ulan-Batorda ýerleşýän MARS-V guramasy amala aşyrýar...

28.10.2025 00:56
39k+

«Türkmenistan» awiakompaniýasy gyş möwsümi üçin halkara ýolagçy gatnawlarynyň tertibini giňeltdi

“Türkmenistan” awiakompaniýasy gyşky möwsümde halkara uçar gatnawlarynyň tertibiniň giňeldilendigini habar berdi. Täzelenen meýilnama dünýäniň 14 şäherine gönümel uçuşlary öz içine alýar we Aziýa, Ýakyn Gündogar hem-de Ýewropanyň möhüm ugurlaryny öz içine alýar...

22.10.2025 06:13
14k+

Mekgede al-Haram metjidiniň golaýynda binalar toplumy gurlar

Saud Arabystanynyň mirasdüşer şazadasy we premýer-ministri Muhammed bin Salman bin Abdulaziz Al Saud Mekgede “Patyşa Salmanyň derwezesi” (King Salman Gate) atly täze şäher gurluşyk taslamasynyň başlandygyny habar berdi...

16.10.2025 10:37
5.1k+

Tokio we Wiktoriýa syýahatçylaryň arasynda iň halanýan şäherler hökmünde ykrar edildi

Amerikanyň meşhur Condé Nast Traveler syýahat žurnaly okyjylarynyň arasynda geçirilen ses berişlikde iň halanýan şäherleriň sanawy yglan edildi. Netijelere görä, iri şäherleriň arasynda Ýaponiýanyň paýtagty Tokio, kiçi şäherleriň arasynda bolsa Kanadanyň Wiktoriýasy birinji orny eýeledi...