Döwrebap kinematografyň klassygy Dewid Fitçer Günorta Koreýanyň meşhur “Kalmar oýny” (Игра в кальмара) serialynyň remeýkiniň üstünde işläp başlady. Bu barada The Playlist internet portaly habar berýär.
Neşiriň maglumatlaryna görä, remeýkiň ssenariýasyny “Matilda” we “Gara deňiz” filmleriniň üstündäki işi bilen tanalýan Dennis Kelli ýazar.
Finçer ilkinji gezek “Kalmar oýnunyň” täze görnüşini surata düşürmek meýilnamalary barada 2021-nji ýylda gürrüň berdi. Şondan bäri ol Roman Polanskiniň 1974-nji ýyldaky “Hytaý kwartaly” (Китайский квартал) detektiw filminiň prikweliniň üstünde işledi. Häzir prikweliň ssenariýasy taýýar, ýöne Finçer bu taslamany “Kalmar oýnunyň” remeýkiniň peýdasyna soňa goýmak kararyna geldi.
Asyl nusgadaky “Kalmar oýny” 2021-nji ýylyň 17-nji sentýabrynda Netflix-de çykdy we global hadysa öwrüldi. 28 günüň içinde serial 1,65 mlrd sagatdan gowrak tomaşa ýygnady we 111 mln akkaunta ýetdi. Ol Netflix-iň taryhynda iň köp tomaşa edilen serial bolmagynda galýar. Ikinji möwsümiň premýerasy 2024-nji ýylyň dekabr aýyna meýilleşdirildi.
Dewid Finçer “Ýedi” (Семь), “Söweş kluby” (Бойцовский клуб), “Oýun” (Игра), “Sosial ulgam” we “Benjamin Battonyň geň hekaýasy” (Загадочная история Бенджамина Баттона) ýaly kartinalar bilen bellidir.
