BAE-de arheologlar gadymy şäheriň harabalyklaryny tapdylar, olar muny arap çeşmelerinde agzalýan, ýitirilen Tuam şäheri bolmagy mümkin diýip hasaplaýarlar. Açyş Umm-el-Kuweýn sebitinde ýerleşýän Al-Sinniýa adasynda ýüze çykaryldy diýip, Heritage Daily habar berýär.
Adada gazuw-agtaryş işleri birnäçe ýyl bäri dowam edýär. Ozal bu ýerde kiçeňräk obanyň, monastyryň we merjen gazylyp alnandygynyň subutnamalary tapyldy. Häzirki meýdan işleri möwsüminde VI asyryň uly şäherçäniň galyndylary tapyldy, ol Tuam şäheri bolmagy ähtimal diýip hasaplanýar.
Şäher, takmynan, IV asyrda esaslandyrylyp, V-VI asyrlar onuň gülläp-ösen döwri bolupdyr. Şäher ep-esli uly bolup, hatda dar köçeleriň ugrunda dyknyşyp oturan köp öýli jaýlaram bar eken. Arheologlar Tuam şäheriniň mergi keseli we sebit çaknyşyklary sebäpli pese gaçandygyny aýdýarlar.
Gazuw-agtaryş işleriniň dowamynda epidemiýa baradaky çaklamany tassyklaýan köp sanly köpçülikleýin jaýlanan mazarlar tapyldy. Jesetleriň galyndylarynda zorlukly ölümiň alamatlary tapylmady.
Tapylan şäherçäniň ýitirim bolan Tuam şäheridigini meňzetme arkaly anyklamak mümkin boldy. Şäheriň özünde adyny görkezýän göni subutnama ýokdy.
BAE uniwersitetiniň professory Tim Pauer tapylan şäherçäniň ýitirim bolan Tuam şäheridigini meňzetme usuly bilen kesgitläp boljakdygyny aýtdy - şäheriň özünde onuň adyny görkezýän subutnama ýok.
Alym: "Ýöne biz BAE-de Pars aýlagynyň kenaryndaky iň uly şäherçäni tapdyk" –diýip belleýär. - Ol hut yslamyň irki geografiki çeşmelerinde beýan edilen şäheriň ýaşan döwrüne laýyk gelýär. Elbetde, bu ýeriniň gaty möhüm ýer bolandygyna şübhe ýok. Bu döwürde kenarýakada başga möhüm ilatly nokat bolmandyr, bu bolsa bu şäherçäniň Tuamdygy baradaky delili güýçlendirýär".
