“Oguz hanyň zehinli nesilleri” II integrirlenen olimpiadanyň jemleýji tapgyry geçirilýär

  • 24.06.2024 15:48
  • 4.6k+

Türkmenistanyň Oguz han adyndaky Inžener-tehnologiýalar uniwersitetiniň “Oguz hanyň zehinli nesilleri” atly mekdep okuwçylarynyň arasynda tapgyrlaýyn geçirilýän II integrirlenen olimpiadanyň 3-nji jemleýji tapgyry geçirilýär.

Düzgünnama esasynda jemleýji tapgyr Türkmenistanyň Oguz han adyndaky Inžener-tehnologiýalar uniwersitetinde 5 günlük «Tomusky dynç alyş okuwy» görnüşinde geçirilýär. Olimpiadanyň jemleýji tapgyryna ýurdumyzyň welaýatlary, Aşgabat we Arkadag şäheri boýunça jemi 60 sany saýlanan zehinli mekdep okuwçylary gatnaşýar. Dynç alyş döwrüniň dowamynda mekdep okuwçylaryna uniwersitetiň ýaş mugallymlary halypalyk etmek bilen, olar jemleýji tapgyryň umumy meýilnamalaýyn işleriniň guramaçylygyny ýola goýýarlar. Meýilnama esasynda okuwçylara ylmyň häzirki zaman meseleleri boýunça professor-mugallymlar tarapyndan umumy sapaklar berilýär.
Mundan başga-da, paýtagtymyzyň gözel künjeklerine, taryhy ýadygärlikler toplumyna gezelençler gurnalýar, tebigy we takyk ylmy ugurlar boýunça tejribehanalarda gyzykly tejribe işleri geçirilýär, uniwersitetiň kibersport merkezinde kiber oýunlary boýunça özara bäsleşikler gurnalýar.
Jemleýji tapgyryň netijeleri boýunça üstünlik gazanan okuwçylar “Altyn gaznanyň” eýeleri bolarlar. Ýeri gelenini bellesek, bu ýokary okuw mekdebiniň zehinli ýaşlary çekmekde we uniwersitetiň geljekki talyplary üçin hünäre ugrukdyryş taslamalaryny guramakda işjeň gatnaşýandygy üçin Student Recruitment Campaign of the Year (Talyplary çekmek boýunça ýylyň çäresi) ugrundan iň gowy sekiz uniwersitetiň hataryna goşuldy we «Ýokary bilimiň Oskary» ady bilen tanalýan abraýly THE Awards Asia 2024 halkara baýragyna hödürlendi.


şu gün 08:56
468

Türkmenistanly talyp "ýylyň öwrülişigi" üçin «RF-niň ýylyň daşary ýurtly talyby» bäsleşiginde ýeňiji boldy

Türkmenistanly talyp Igor Ýermolaýew «Russiýa Federasiýasynyň ýylyň daşary ýurtly talyby» atly ählihalk bäsleşiginiň «Ýylyň ylmy öwrülişigi» atly ugry boýunça ýeňiji boldy. Bu barada uniwersitetiň Telegram-kanalynda habar berildi...

düýn 22:13
1.6k+

Türkmenistanly talyp «Future Skills Sprint» atly halkara bilim maksatnamasyna gatnaşdy

Türkmenistanyň Oguz han adyndaky Inžener-tehnologiýalar uniwersitetiniň 4-nji ýyl talyby Aýsoltan Annamämmedowa 20 – 22-nji noýabr aralygynda Stambul (Türkiýe) şäherinde geçirilen «Future Skills Sprint» atly halkara bilim başlangyjynyň çäklerindäki okuwlara gatnaşdy...

düýn 22:10
2k+

Türkmenistanda mekdebe çenli bilim boýunça täze okuw gollanmasy neşir edildi

Türkmenistanda «Mekdebe çenli terbiýäni guramak we dolandyrmak» atly täze okuw gollanmasy neşir edildi. Ol Seýitnazar Seýdi adyndaky türkmen döwlet mugallymçylyk institutynyň pedagogika kafedrasynyň uly mugallymy N...

24.11.2025 00:01
4.6k+

Türkmenistanyň DIM-niň HGI Fransiýanyň öňdebaryjy ýokary okuw mekdepleri bilen hyzmatdaşlygy ýola goýýar

«Türkmen-Fransuz gatnaşyklary: häzirki zamanyň kynçylyklary we geljegi» atly maslahatyň çäklerinde, Türkmenistanyň Daşary işler ministrliginiň Halkara gatnaşyklary institutynyň rektory Gülşat Ýusupowa Parižde Fransiýanyň...