Amaly geofizika institutynyň (FGBU "IPG") alymlary ýekşenbe güni Günde üç sany güýçli alawy hasaba aldylar, olaryň biri alawyň X klasyna ýakyn boldy.
20 minut dowam eden M9.3 alawy 23-nji iýunda Aşgabat wagty bilen 18:01-de bellige alyndy.
Şeýle hem alymlar M2.4 / 1N we M1.2 alawlaryny hasaba aldylar. Üç alawyň üçüsi-de gysga tolkunly radio aragatnaşygyň kesilmegi bilen utgaşdy. Alawlardan soň, Günüň rentgen şöhleleriniň Ýeriň ionosferasyna täsir ediş derejesi bäş görkezijili şkalada R2-ä (ortaça) galdy. Onuň iň ýokary derejesi R5-dir (ekstremal).
Gün alawlary, rentgen şöhleleriniň güýjüne baglylykda, bäş klasa bölünýär: A, B, C, M we X. Iň az A0.0 klasy Ýeriň orbitasyndaky bir inedördül metrde 10 nanowat radiasiýa güýjüne laýyk gelýär. Indiki harplara geçilende güýji 10 esse ýokarlanýar. Alawlar, adatça, Ýere ýetip, magnit tupanlaryny döredip biljek Gün plazmasynyň zyňyndylary bilen utgaşýar.
