2023-2024-nji okuw ýylynyň jemleri boýunça 1 müň 521 uçurym 30 sany hünär boýunça Magtymguly adyndaky Türkmen döwlet uniwersitetini tamamlady.
Ýokary okuw mekdebiniň resmi saýtynda habar berlişi ýaly, uçurymlaryň 1 müň 461-si hünärmen, 40-sy bakalawr, 20-si magistr maksatnamasy boýunça ýokary bilime eýe boldular. Uçurymlaryň 94-si bolsa okuwlaryny tapawutlanan diplom bilen tamamladylar.
Magtymguly adyndaky Türkmen döwlet uniwersiteti 90 ýyldan gowrak wagt bäri ýurdumyzyň halk hojalygynyň dürli ugurlary üçin ýokary derejeli hünärmenleri taýýarlamaga uly goşant goşup gelýär.
