Bentley kompaniýasy Stambula bagyşlanan täze, çäklendirilen awtoulag toplumyny hödürledi. Oňa Istanbul Silhouette diýip atlandyrylan Flying Spur sedany, Continental GT kupesi we Bentayga krossoweri girdi diýip, auto.ru habar berýär.
Mulliner atelýesi tarapyndan döredilen awtoulag dizaýnlary Stambulyň taryhyndan we medeniýetinden ylham alýar. Kuzowyň mawy öwüşginli Black Sapphire reňki Bosforyň reňkine, salona çekilen açyk gök urundyly Beluga gaýyş daşlygy bolsa gök öwüsginli mawy metjidiň plitalarynyň äheňini berýär. Salonyň içi Galata diňiniň nagyşly şekilleri, Stambulyň köprüleri we beýleki gözel ýerleriniň şekilleri bilen bezelipdir.
Tehniki taýdan Istanbul Silhouette awtoulaglary 550 at güýjüni we 770 Nm tork öndürýän 4,0 litrlik V8 hereketlendirijili Azure wersiýasyna esaslanýar. Ýygyndynyň gaty çäkli bolmagy ahmal, sebäbi bu hereketlendirijili Flying Spur-iň we Continental GT-niň önümçiliginiň ýakyn wagtda tamamlanjakdygyny habar berdi.
Täze önümleri diňe Stambul Bentley söwda dellaly satar. Toplumyň bahalary we mukdary entek aýan edilmedi.
