Sony Pictures Entertainment studiýasy baş keşpleri Skarlett Ýohanssonyň we Çenning Tatumyň ýerine ýetirmeginde “Maňa Aýy görkez” («Покажи мне Луну», “Fly me to the moon”) komediýa filminiň treýlerini hödürledi. Filmiň wakasy 1960-njy ýyllarda, SSSR bilen ABŞ-nyň arasyndaky kosmos ýaryşynyň güýjän döwründe ýaýbaňlanýar diýip, RBK ýazýar.
Filmiň sýužeti Ak öýüň hakyky missiýa şowsuz bolan ýagdaýynda, ätiýaçlyk edinip, ýalandan Aýa gonuşy surata düşürmek kararyna gelşi barada gürrüň berýär. Bu wezipäni durmuşa geçirmek üçin professional marketolog (Ýohansson) we uçuryş boýunça menejer (Tatum) işe çekilýär. Sýužet boýunça, olaryň arasynda roman döreýär.
“Maňa Aýy görkez” filminiň režissýory bolup Greg Berlanti çykyş etdi. Ssenariýalary Bill Kirştaýn we Kinen Flinn ýazdy.
Filmiň premýerasy 12-nji iýulda bolar. Soň ol AppleTV+ onlaýn kinoteatrynda elýeterli bolar.
