Stellantis yzy görkezýän kameralarda ýüze çykan näsazlyklar sebäpli 1,6 milliondan gowrak Jeep, Chrysler, Dodge we Ram ulaglarynyň yzyna çagyrylýandygyny habar berdi. Carscoops-yň habar bermegine görä, mesele yzy görkezýän kameranyň şekili dogry görkezmegine päsgel berip biljek ýalňyş programma üpjünçiligi bilen baglanyşykly.
Yza çagyryş 2021-2023-nji ýyllaryň Chrysler Pacifica modellerine, 2021-nji we 2022-nji model ýylynyň Dodge Durango-syna, şeýle hem 2022-2023-nji ýyllaryň Jeep Compass, Wagoneer we Grand Wagoneer modellerine we 2021-2023-nji ýyllaryň Grand Cherokees-ine degişlidir. Şeýle hem sanawda 2022-nji model ýylynyň Ram 1500, 2500 we 3500-i, 2022-2023-nji ýyllaryň Promaster awtoulaglary bar.
Kameranyň programma üpjünçiliginiň simsiz täzelenip biljekdigi bellendi. 735 000-den gowrak awtoulag eýýäm täzelenmäni aldy. Agzalan ulaglaryň eýelerine NHTSA.gov saýtyndaky VIN-kody ulanyp, meseläni barlamak ýa-da has giňişleýin maglumat üçin ýerli söwda dellallaryna ýüz tutmak maslahat berilýär.
