Pixar studiýasynyň “Tapmaça 2” (“Головоломка 2”) multfilmi dünýä prokatynda oňyn netijeleri görkezip, jemi 295 million dollar gazandy. Film animasiýa lentalary üçin täze rekord goýdy, ilkinji hepdesinde daşary ýurtda 140 million dollar gazanyp, “Doňan ýürek 2-den” (“Холодное сердце 2”) (135 million dollar) geçdi.
ABŞ-da ol 155 million dollar gazanyp, “Super maşgala 2-den” (“Суперсемейка 2”) (182,6 million dollar) soň iň uly açylyş hepdeligi bolan ikinji animasiýa taslamasyna öwrüldi.
Bütin dünýäde “Tapmaça 2” 2024-nji ýylda “Godzilla we Kong” (“Годзилла и Конг”) (194 million dollar) we “Dýuna 2”-den (“Дюна 2”) (182,5 million dollar) öňe geçip, kassa ýygymynyň lideri boldy.
“Tapmaça 2-niň” sýužeti ýetginjeklik döwrüni başdan geçirýän Raýliniň kellesindäki duýgulara gönükdirilýär. Filmiň režissýory – Kelsi Mann.
Ilkinji “Tapmaça” 2015-nji ýylda çykdy we ilkinji hepdesinde 130 million dollar gazandy, filmiň umumy kassa ýygymy 858 million dollar.
