Queen rok-topary öz aýdym-saz katalogyny satmak barada Sony Music bilen şertnama baglaşdy. Variety neşiriniň maglumatlaryna görä, şertnama 1,27 mlrd dollara baglaşyldy, bu hem taryhda şeýle görnüşli iň uly satyn alyş boldy.
Kompaniýa diňe bir aýdymlara bolan hukuklary däl, eýsem merç önümçiligine-de hukugy satyn alýar. Queen-iň şertnama girizilmedik ýeke-täk girdejisi konsertlerden gazanylýan girdeji bolar.
Mundan öňki rekord ylalaşyk 2021-nji ýylda, Brýus Springstin öz katalogyny Sony kompaniýasyna 500 mln dollara satanda bolupdy.
Resminama görä, Queen-iň aýatdaky agzalary – Braýan Meý, Rojer Teýlor, Jon Dikon – we Freddi Merkýuriniň mirasdüşerleri Queen Productions Ltd. kompaniýasynyň deň derejeli paýdarlarydyr. 2022-nji ýylda kompaniýa 52 mln dollar gazandy.
